Dövrümüzün ən yaxşı üç İrlandiya şousundan biri olan əfsanəvi rəqs şousu "RHYTHM OF THE DANCE" 15 oktyabr tarixində Heydər Əliyev Sarayı səhnəsində çıxış edib. Tamaşaçılar dünya şöhrətli İrlandiya stepi, canlı musiqi və solistlərin valehedici ifaları izləmək imkanı əldə ediblər.
İnanılmaz hərəkət enerjisi, incəlik və sinxronluq "RHYTHM OF THE DANCE" şousunu dünyada ən populyar və gözlənilən şoulardan birinə çevirir.
İrland rəqslərində dünya lideri olan "Rhythm of the Dance" kollektivi ənənələrini qorumaqla yanaşı, eyni zamanda rəqsləri ən müasir formada təqdim edirlər.
