Qasımov Ramil Adıgözəl oğlu – direktor

10 dekabr 1984-cü ildə Bakı şəhərində anadan olub. Azərbaycan Dövlət Mədəniyyət və İncəsənət Universitetinin “Opera və kamera ifaçısı, musiqişünaslıq” ixtisası üzrə bakalavr, Gürcüstan Respublikasının Musiqi Akademiyasının “Vokal” ixtisası üzrə magistr pilləsini bitirmişdir. Azərbaycan Respublikası Prezidenti yanında Dövlət İdarəçilik Akademiyasının Siyasi idarəetmə fakültəsində “Politologiya” ixtisası üzrə əlavə ali təhsil almışdır. Peşəkar fəaliyyəti. Peşəkar səhnə fəaliyyətinə 1999-cu ildə Azərbaycan Dövlət Akademik Musiqili Teatrında aparıcı solist kimi başlamışdır. 2011-ci ilə qədər onlarla tamaşada baş rollarda çıxış etmişdir. 2004-cü ildən Azərbaycan Televiziya və Radio verilişləri Qapalı Səhmdar Cəmiyyətinin Cahangir Cahangirov adına Xorunun solisti kimi fəaliyyətə başlamış, 2011-ci ildə Azərbaycan Televiziyasının Musiqi kollektivlərinin bədii rəhbəri, 2012-ci ildə Səsyazma Evinin direktoru vəzifəsində çalışmışdır. Musiqi kollektivlərinə rəhbərlik etdiyi dövrdə müasir repertuar siyasətinin formalaşmasında xüsusi rol oynamışdır. 2015-2020-ci il tarixlərində Azərbaycan Televiziyası “Mədəniyyət” kanalının direktoru vəzifəsinə çalışmışdır. 15 dekabr 2020-ci il tarixindən Heydər Əliyev Sarayının direktoru vəzifəsinə təyin edilmişdir. 2015-ci ildə Azərbaycan Respublikası Prezidentinin sərəncamı ilə “Azərbaycan Respublikasının Əməkdar artisti” fəxri adına layiq görülmüşdür. 2016-cı və 2017-ci illərdə Prezident Mükafatına layiq görülmüşdür. Rus, ingilis, italyan dillərini bilir.


Mirzəyev Faiq İsfəndiyar oğlu – direktorun birinci müavini 


21 mart 1976-cı ildə Gürcüstan Respublikasının Qardabani rayonunda anadan olub. 1997-ci ildə Bakı Sosial İdarəetmə və Politologiya İnstitutunun İnzibati İdarəetmə ixtisasını bitirmişdir. 2005-ci ildə Azərbaycan Dövlət İqtisad Universitetinin İnzibati İdarəetmə istiqamətinin İqtisadiyyatın hüquqi tənzimlənməsi ixtisası üzrə magistr dərəcəsi alıb. Peşakar fəaliyyəti. 1997-ci ildən özəl sektorda müxtəlif vəzifələrdə çalışıb. “Fəcr” MMTŞ baş direktor, “Avto-103” MMC-nin direktoru olub. 26 fevral 2021-ci ildən Heydər Əliyev Sarayının direktor müavini təyin olunub. Yeni Azərbaycan Partiyasının üzvüdür. Ailəlidir. Üç övladı var.

 

Abdurzayeva Tairə Tofiq qızı - direktor müavini


25 iyul 1973-cü ildə Bakı şəhərində anadan olub. 1999-cu ildə Bakı Asiya Universitetini ümumi iqtisadiyyat (beynəlxalq iqtisadi münasibətlər) ixtisası üzrə bitirib. Peşakar fəaliyyəti. 1991-1995-ci illərdə Respublika Sarayında baş texnik, səs operatoru vəzifələrində çalışıb. 2003-cü ildən Konsert şöbəsinin rəis müavini və rəisi vəzifələrində çalışıb. 2010-cu ildən etibarən Heydər Əliyev Sarayının direktor müavini vəzifəsində çalışır. Yeni Azərbaycan Partiyasının üzvüdür.



Dadaşov İlqar Vasif oğlu - direktor müavini

10 avqust 1967-ci ildə Bakı şəhərində anadan olub. 1987-ci ildə A.Zeynallı adına müsiqi məktəbinin tar sinifini, 1994-cü ildə Azərbaycan Dövlət Mədəniyyət və İncəsənət Universitetini mədəni-maarif işinin təşkilatçı-metodist ixtisası üzrə bitirib. Peşakar fəaliyyəti. 1984-cü il tarixdən Azərbaycan Dövlət Televiziya və Radio Verlişləri Komitəsində tarzən, birinci dərəcəli tarzən vəzifələrində çalışıb. 2005-ci il tarixdən ali dərəcəli tar konsertmeystri vəzifəsində çalışır. 2008-il tarixdən Heydər Əliyev Sarayında səs, rabitə, kino və televiziya xidmətində mühəndis (səs yazma üzrə) və səs rejissoru vəzifələrində çalışıb. 2018-ci ildə Heydər Əliyev Sarayının direktor müavini vəzifəsinə təyin edilib. Yeni Azərbaycan Partiyasının üzvüdür. Ailəlidir. İki övladı var.