Qasımov İlham Zakir oğlu – direktor
20 avqust 1977-ci ildə Bakı şəhərində dünyaya gəlib. 1998-ci ildə Azərbaycan Texniki Universitetini bitirib. 1992-1996-cı illərdə “Şən və Hazırcavablar Klubu”nun (ŞHK) üzvü olub. 1994–1995-ci illərdə ŞHK-nin universitetlərarası çempionatında qalib adını qazanıb. 1999-2000-ci illərdə ABA TV-də (Azerbaijan Brodcasting Agency) layihə müəllifi, rejissor və aparıcı vəzifələrində çalışıb. 2000-ci ildən etibarən müxtəlif televiziya layihələri, teatral quruluşlar, konsert proqramları və reklam filmləri layihələrini həyata keçirib. 25 noyabr 2023-cü ildə mədəniyyət naziri Adil Kərimlinin müvafiq əmrinə əsasən, Heydər Əliyev Sarayının direktoru təyin edilib.