Oktyabrın 13-də Heydər Əliyev Sarayında dünyaca məşhur Sanremo Musiqi Festivalının hitləri səsləndirilib. Tamaşaçılar italyan musiqisinin sehrini hiss edib və əfsanəvi hitləri dinləyiblər.
Konsertdə tanınmış italyan müğənnilər Martin Striano, Canni Skribano, Lara Pasquali və Stefano Barsola çıxış ediblər. İfaçılara Əməkdar artist Əyyub Quliyevin rəhbərliyi ilə Qara Qarayev adına Azərbaycan Dövlət Kamera Orkestri müşaiyət edib.
